Lôch 1 năm mbơh ƀư, ta ntŭk kơp dơn geh âk nău rgâl mhe  mhe tâm nău leo kan, rgâl mhe rnoh mbrô n’hanh pă an ntŭk kan ba dâng, yơn lah hôm nha geh âk nău jêr mpeh nuĭh kan, tơm prăk n’hanh nău kan hành chính. Ta rơh rƀŭn nchră, ăp ntŭk geh njoăl 110 nău tâm rgop nău ăp nău kan k văk tâm leo ƀư n’gâng kan, ngăn lah nău mô tŏng nuĭh kan way kan ta ăp trong kan công nghệ thông tin, tơm prăk-kế toán, neh ntu, rdâk njêng. Âk nău tâm rgop an lah nău pă an ê hŏ hăn ndrel tŏng ăp rnoh kan n’hanh ntĭm leo way kan an tâm di. Bol ma n’gor lĕ geh ntop rlău 6.500 rmen prăk an gưl xã, âk ntŭk hôm nha ê hŏ geh dŏng săk rnglăy rnoh prăk geh pă jao. Khánh Hoà dăn đă Trung ương ơm ntrŭnh nău kơl prăk khay tĭng ntŭk kan, dơi an tâm ton way kan ta rơh bôk năp n’hanh ƀư lôch nău kan ƀư ngih jay gŭ, neh rmeh lôch pă dăp nău kan.