Ban Chấp hành Đảng bộ n’gor Khánh Hòa mhe mbơh an Nghị quyết mpeh trong kan hun hao nâp nâl ntĭm nti tât năm 2035, uănh tât năm 2045, gay geh trong rgâl hao tâm nău ntĭm nti, ndơ̆ Khánh Hòa jêng ntŭk ntĭm nti, khoa học n’hanh công nghệ bah lam dak.

Nău rƀŏng na nê̆ dơi mĭn kloh: tât năm 2035, 100% nai tâm di ntĭm nti tĭng luật ntĭm nti; rlău 80% ngih samƀŭt phổ thông tâm di lam dak; rnoh tốt nghiệp THPT geh rlău 98%, rnoh dơi lăp đại học n’hanh cao đẳng tâm rmôt leo bôk năp nkual. Ndrel đah nĕ lah rgâl nkô̆ nău, trong ntĭm nti, ntơm ndơ̆ nău ngơi Anh jêng nău ngơi tal 2 tâm ngih samƀŭt, pơk hvi kan ndrel lam ntŭr neh n’hanh wăch rgum sinh viên dak bah dih tât nti. Nghị quyết n’gluh an nău kơl êng an rmôt nuĭh nai, n’hao nău kơl an nău kan đêt ngăn 70% an nai, 100% an nai ta nkual dŭt jêr jŏt, gôl dak n’hanh nkual rnoi mpôl đêt.