N’gor Khánh Hòa dôl ndăn an ƀư ngăch pah kan nchrăp bầu cử đại biểu Quốc hội khóa XVI n’hanh HĐND ăp gưl năm kan 2026–2031. Tât aƀaơ, lam n’gor hŏ njêng 66 Ban rđău đă bầu cử, 66 Ủy ban Bầu cử ndrel ăp rmôt kơl kan; 4 Ban bầu cử đại biểu Quốc hội, 19 Ban bầu cử đại biểu HĐND n’gor n’hanh 387 Ban bầu cử đại biểu HĐND gưl xã. Geh 65 xã, phường, đặc khu uănh an 1.123 nkual nklăch phiếu tâm ban đah 1.123 rmôt bầu cử.

 Ndrel đah nău ra uănh tay săk cử tri, pah kan nkoch trêng dơi an ƀư lam ăp ma trong pơk ƀoh nău ngơi tâm dâng n’hanh ăp mpôl kan nsum mpôl, kơl cử tri rƀah gĭt mông nar, ntŭk nklăch phiếu n’hanh bôk nău kan bah nuĭh dâk tâm rlong đŏng. Tâm pơh pah kan lor bôk năp lôch Tết Bính Ngọ 2026, Sở Nội vụ hŏ jao thŭng phiếu an ăp ntŭk tâm dâng đŏng. Ntơm bah nar 26/2 tât 14/3, ăp tâm nchră mâp cử tri dơi ƀư di tĭng quy định.