N’gor Khánh Hòa dôl lăp tâm rơh rdâng lơh phŭt mbrô 15. Rlău 3.400 bôk duk mpan hŏ dơi dăp rgum tâm 7 nkual kât nsrŭng, mpôl kan dơi kan dôl n’hao dăng hăn rsong uănh, đă lĕ rngôch nuĭh gŭ hăn kalơ duk mpan luh sĭt bah năp 6h măng nar 28/11; nkre ra uănh tay bơi 180 ntŭk pĭch rlâm, ndâp băm jru gay đăp mpăn săk nuĭh ƀon lan.

Tĭng nău ntrŭnh mpăng dak lêng bah UBND n’gor Khánh Hoà, ntơm bah 7h nar 28/11, lĕ rngôch duk mpan pâl nđaih, duk rdeng ndơ, duk lơh joi ka n’hanh ndơ hăn ta dak lêng ân rlu hăn dĭl; bah kơi 6h kêng măng nar 28/11 ăp nuĭh hăn mbra sĭt hao kơh; nuĭh mât tui ka mô dơi gŭ ta gŭk mât tui ka. N’gor Khánh Hòa hŏ đăp mpăn nău lư mbluh soih gay lĕ rngôch duk mpan ta dak lêng rƀah gĭt nău lư phŭt mbrô 15 n’hanh lor nchrăp njrăng der. Ôp uănh tay ăp nkual kât nsrŭng n’hanh nkual dơh geh tât khuch, wa Trần Phong, Kruanh UBND n’gor  Khánh Hòa dăn đă n’gor n’hanh mpôl kan dơi kan n’hao dăng ntĭm nti nuĭh ƀon lan, nchâp đă ngăn nuĭh mô tĭng jăp.