UBND n’gor Quảng Ngãi hŏ an nău rgop mpeh nău rdâk njêng nhih nti phổ thông nội trú rep gưl ta ăp xã n’har bri. Lôch hăn ôp uănh, Sở Giáo dục n’hanh Đào tạo n’gor Quảng Ngãi dăn đă UBND n’gor n’glêh an sơch 4 xã lah Dục Nông, Mô Rai, Sa Loong, Rờ Kơi gay ntuh kơl 4 nhih nti.

Ăp nkual dja geh nău rêh wăng sa dŭt jêr jŏt mha êng, bri dak neh ntu jru ngai, ntung trong mpăng đêt, ƀon lan gŭ rêh srang đêt, lơn âk lah ƀon lan Xơ Đăng, Ba Na, Giẻ Triêng. N’gor mbra njêng mhe 2 nhih nti n’hanh nkra têh hvi tay 2 nhih nti. Lĕ rngôch tơm prăk ntuh kơl rlău 600 rmen prăk. Năm 2025 n’gor tâm pă nklăp 117 rmen prăk bah ăp tơm prăk gay rdâk njêng. Wa Nguyễn Hoàng Giang, Kruanh UBND n’gor Quảng Ngãi đă ăp nhih pah kan geh tât lor nchrăp tĭng ƀư ăp gâl kan dơi jao, nsrôih rdâk njêng ăp nhih nti tâm nar 15/11 tât, lôch jêh tâm khay 7/2026.