Tâm xã nkuăl prêh Pà Cò, n’gor Phú Thọ, wa Sùng A Chênh, Bí thư Đảng ủy, Kruanh HĐND xã mbơh: Nau kan cán bộ geh Đảng uỷ năl lah nau kan tơm. Jêh rgum nkuăl neh, nau kan hành chính, xã hŏ ƀư dăp rgum lĕm nchră nâp nau kan tơm bah rmôt cán bộ công chức ndrel geh nau kan pă dăp rgum ân tâm di đah nau dơi ngăn geh ntĭm nti ndrel geh nau đă ƀư nau kan n’gâng kan êp ƀon lan:

‘Gay tŏng dơi tâm rơh ƀư nau kan jŏ jong ndrel đăp mpăn n’gâng kan 2 gưl geh dŏng ƀư ueh, rơh tât đah ăp xã nkuăl jru, nkuăl ngai phung hên đă tât n’gor, Trung ương geh nau kơl an nau kan rgum leo ăp cán bộ tât nkuăl rnoi mpôl đê̆, nkuăl jru, nkuăl ngai, tâm ăp nau kan kơt lah ntŭk nkoch mbơh nau, neh ntu, văn hóa rêh jêng…nê lah ăp nau tơm ma tâm nkuăl ŭch geh ngăn”.

Kơl an ntĭm nti cán bộ nŭih rnoi mpôl đê̆, tŏng dơi nau ŭch rgâl mhe nau nâp bah cán bộ ƀư nau kan tă bah tâm dâng lah nau tơm, nau dơi gay nkuăl yôk, nkuăl rnoi rnoi mpôl đê̆ hun hao rjăp tâm năm kan tât.

Wa Lê Anh Đức,  Groi Sở Nội vụ Tỉnh Lào Cai mbơh: Nau dơi lah du n'gor yôk, n'har bri, âk rnoi mpôl, n'gor ân năl lah ŭch hun hao ngăch ndrel nâp nâl ri ngoai tâm ăp nau kan tơm ân geh ndâk mrôt cán bộ, ngăn lah cán bộ rđay kan tơm, geh nau dơi mât ƀư nau kan mhe, geh tŏng nau dơi, nau dăng, nau rnơm, janh mĭn, janh kan ndrel ndơn nau kan ndrel gĭt ăp nau dôl geh bah n'gor.

Mhe rlau aơ, Đại hội Đảng bộ n’gor Lào Cai tal bôk năp, năm kan 2025-2030 hŏ nchră nau ntrŭnh tât nkô̆ nau, nau kan tơm bah nă kan tât, tâm nê geh nau mĭn rđau mpeh ndâk njêng nau dơi ăp gưl ndrel rmôt cán bộ, đảng viên, nê lah: Ndâk nau kan n’gâng kan êp ma ƀon lan, geh nau kan rjăp, săk tam; rmôt cán bộ, công chức geh nau blau, geh nau dăng dơi, nsôih ma ƀon lan, yor ƀon lan ma kơl an”.

Nkre năl 11 tâm 5 nau kan tơm bôk năp lah: Ndâk rmôt cán bộ, ngăn lah cán bộ rđau kan mât ăp gưl, nŭih dâk bôk geh tŏng nau dơi, nau dăng ndrel nau rnơm, geh nau mĭn hun hao, geh nau nsôih ƀư kan êng ndrel nsôih ân geh nkô̆ nau prêh, tâm ban ma nau kan, nau dăng, nau blau mhe, mro geh nuih n’hâm nsôih ƀư kan, gơih tâm nau pah kan, nsôih mĭn, nsôih kan, tâ dăch ma ƀon lan, yor ƀon lan kơl an; kơl săch ân cán bộ mom, cán bộ bu ur, cán bộ rnoi mpôl đê̆”. Nkoch tât nau ntrŭnh ƀư ngăn nau kan aơ, wa Lê Anh Đức, mbơh:

‘Đah nau dơi bah ntŭk kan ƀư du ntil nau kan, phung hên mra rgum tâm du đê̆ rmôt kan tơm: Tal bôk năp lah rgum kơp uănh, rgâl nkra, ntop tay, ƀư ân tâm di ngăn ăp nau ntrŭnh, nau kan mpeh cán bộ gay mât đăp mpăn ân tâm ban, tâm ndrih, rjăp tâm nau ƀư kan ngăn. Tal bar lah, n’hao nau nâp nau kan rgum, săch ndrel dŏng cán bộ,đăp mpăn ƀon lan ƀư tơm, mbơh kloh rvah, sŏk nau dăng, nau tam nau kan ndrel nau dơi ngăn ƀư mâng veh. Nkre bonh đă njêng luh nau kan rgum ndrel mât leo nŭih cán bộ mom, cán bộ geh nau dơi prêh”.

Rnoh nŭih rnoi mpôl đê̆ tâm n’gor Lào Cai rnôk aơ geh tât 66,2% rnoh nŭih lam n’gor. Ndri ma, nau kan hun hao rmôt cán bộ lah nŭih rnoi mpôl đê̆ geh năl lah ƀư nau kan tơm, jŏ jong ndrel n’ho ri geh tât nau dơi khlay tâm nau ƀư nâp ntrong kan chính trị tâm dâng, mât đăp mpăn nau nâp nâl tâm nau hun hao tâm nkuăl prêh, nkuăl n’har bri”./.