Ôi 7/10, Kruanh Ban nội chính trung ương Phan Đình Trạc ndrel mpôl đại biểu Quốc hội n’gor Lâm Đồng hŏ mâp cử tri đah công nhân nuĭh kan n’hanh cán bộ, đoàn viên công đoàn ta nkual ƀon têh Đà Lạt. Ta rơh mâp, cử tri ŭch rŏng, mpŏng Đảng, Quốc hội n’hanh Chính phủ geh tay ăp nău n’glêh an tâm di ntrŭt ntrôl jâng wăng sa hun hao.

Tâm nê, uănh khlay tât trong kơl dơh mpeh nău kan, jay gŭ thuk prăk, ăp trong tĭng văn hóa, thể thao, ntop kơl ntĭm nti nău kan, ntop kơl rnôk công nhân nuĭh kan geh roh nău kan, manh an rlu nău kan…. Cử tri dăn đă ân geh ăp trong nkra rmal tâm di đah ăp nău tih mbrơi ndơ̆, nkrâm ndơ̆ bảo hiểm roh nău kan, bảo hiểm xã hội an nuĭh kan; n’hao rnoh kơl roh nău kan ăp khay, trong kơi ntop kơl mha êng đah công chức, viên chức, nuĭh kan tâm ăp ntŭk kan dak si ngih dak. Lah ta rơh mâp, Kruanh Ban Nội chính Trung ương Phan Đình Trạc an lah ăp nău rgop, nău dăn đă bah cử tri lah dŭt tâm di ngăn ngăn. Mpôl đại biểu Quốc hội n’gor Lâm Đồng mbra nchih nkah, rgum tay n’hanh mbơh tât ăp nhih pah kan gưl Trung ương.