Kêng măng 20/4, ta nkuăl ƀon têh Hồ Chí Minh, Wa Nguyễn Trọng Nghĩa, Kruanh Ban Tuyên giáo ndrel Dân vận Trung ương tât khâl, pă nklâm ndơ ăp rmôt râng diễu binh 30/4. Bah rlau 4 khay ntĭm nti, đah nuih n’hâm nsôih prêh bah rmôt cán bộ, tahen, ngăn lah ăp đồng chí râng ntĭm nti ân ăp rmôt, nau kan ntĭm nti hŏ geh nau ueh. Kruanh Ban Tuyên giáo Trung ương kơp dơn nuih n’hâm ntĭm nti rjăp, nkra đă ăp rmôt ân geh uănh khlay nau mât n’hâm soan, đăp mpăn ueh ngăn ân lễ diễu binh di nkah 50 năm Nar rklaih miền Nam. 

Wa Nguyễn Trọng Nghĩa lah rjăp, đồng chí rđau kan Đảng, Ngih dak ndrel Rnâng kan rđau kan Trung ương mro uănh tĭng ndrel rnê prêh nau kan ntĭm nti ăp rmôt tahen ndrel rmôt ƀon lan bah ăp rmôt tahen, công an, nkuăl ƀon têh Hồ Chí Minh ndrel âk n’gor bah lam dak. Nau nkah mô êng lah rnôk rnê nau ơm ma hôm njoalư nau rnơm tâm nau geh jêng bah neh dak, tahen nar lơn ma nâp dăng./.