Kruanh dak Lương Cường n’hanh I ur ndrel mpôl đại biểu gưl prêh lôch uĕh rơh pah kan râng ăp nău ƀư gưl prêh Đại hội đồng Liên Hợp Quốc khóa 80, tâm rgop nău ƀư ăp ding ta Hoa Kỳ, bah lơ 21 tât 24/9. Tâm trôm rơh khâl, Kruanh dak lĕ geh ăp nău ntoh ngơi khlay ta Rơh tâm nchră nsum gưl prêh bah Đại  hội đồng Liên hợp quốc khóa 80 n’hanh Nău ƀư gưl prêh lam ntŭr neh mpeh Nău ƀư trôk nar mih sial.

Nkre, Kruanh dak lĕ geh ăp rơh mâp, tâm mâp ăp ding đah kruanh ăp rmôt kan lam ntŭr neh n’hanh kruanh ăp dak. Kruanh dak mĭn lah Việt Nam nsrôih dŭt n’hâm nơm n’hanh hăn ndrel lĕ rngôch ăp dak gay mbak ăp nău khlay nsum, rlet rlău ntŭl rlong, ntrôl rgâl dăng gay jêng du ntŭr neh đăp mpăn, hun hao uĕh lăng n’hanh nâp nâl, nsĭt tay uĕh lăng, hơm răm an ăp nuĭh ƀon lan. Rơh pah kan bah Kruanh dak lĕ lôch uĕh ta lĕ rngôch trong n’hanh ăp ding, n’glơi an nău uĕh lăng mpeh ƀư tơm, ntŭk gŭ, rgop uĕh, ngăn ngên bah Việt Nam tâm trong mkra ăp nău lam ntŭr neh kơt ntrôl tâm boh Việt Nam đah Hoa Kỳ, tâm boh Việt Nam đah ăp dak gay rgop an đăp mpăn, hun hao ta nkual n’hanh lam ntŭr neh.