Ôi 1/12, ta Ntŭk kan Kruanh dak, Kruanh dak Lương Cường ƀư tơm nar vơt Kđăch Brunei khâl gưl kan Ngih dak tât Việt Nam. Rơh hăn aơ bah Kđăch Brunei lah rjăp nau nsôih bah bar dak mô nsrŭng ƀư nâp, ƀư jri nau tâm boh kan nsum ndrel tâm boh tâm âk nau kan, jêh rnôk n’hao tâm boh jru hao jêng pah kan âk ntil. Nkre rơh khâl nroh nau uănh khlay ndrel nau tâm boh rjăp Brunei ân Việt Nam, kơt du dak kan nsum rnơm tâm ASEAN. Tâm rnôk nau tâm boh kan nsum ăp ntil Việt Nam-Brunei hun hao ueh, rơh khâl gưl Ngih dak tât Việt Nam bah Kđăch Brunei lŏ rgop nau ƀư nâp ndrel ƀư jru lơn tay nau rnơm chính trị, ntrŭt dăng tâm boh âk ntil đah bar dak, tâm nê geh chính trị-nchră nau.

Ntrŭt dăng tâm boh âk ntil ân bar dak, tâm nê geh chính trị-tâm nchră nau, neh dak, rnă njrăng, văng sa, tăch rgâl ntuh kơl, ntĭm nti, văn hoá, Halal, tâm n’ur ƀon lan...jêh rnôk vơt, Kruanh dak Lương Cường ndrel Kđăch Brunei leo bôk rmôt kan gưl prêh bar dak ntơm tâm nchră, rnê nau tă geh tâm boh đah bar dak tâm rơh rlau aơ ndrel đă ăp nau tâm boh ueh tâm rơh tât./.