Kêng măng 25/11, ta Nhih pah kan kruanh dak, Kruanh dak Lương Cường ƀư tơm rơh hop jao ban pah kan tât leh khay đah Văn phòng Kruanh dak gay uănh năl nô nău tĭng ƀư nău dơn kan tâm bah ri aơ, an ƀư trong rƀŏng pah kan tâm let năp tay. Lah ta rnôk tâm nchră, Kruanh dak Lương Cường lah rjăp, aƀaơ, dơn hôm rlău du khay đŏng mbra dŭt jêh năm 2025, đah mông nar glêh, nău kan âk, nău ŭch geh têh.

Yor kơt nê̆, Văn phòng ân nsrôih, nchrăp na nê̆, an ƀư nău dơn kan mpeh trong nchrăp ăp dăp, lhăt jăp, di rêng; ăp njuat an ƀư sŏk nsĭt geh nău kan lah mâng weh. Nkre ntik n’hao tay nuih n’hâm dơn kan âk, kan nsum đah ăp nhih pah kan geh tât uănh năl nô nău, lor nchrăp dăn đă nsŏng kơl, ra uănh tay mô an liăn lĕ ma nău kan way ƀư mbro n’hanh ndal ndal. Ndrel đah nê, Văn phòng Kruanh dak rgum rđău đă, leo ƀư jăp n’glôch jêh tĭng ƀư nău dơn kan năm 2025, an ƀư nău dơn kan 2026; tâm nê uănh năl ăp nău dơi hŏ geh n’hanh ăp nchiăng khan du trong ngăn ngăn, mô uănh lhơ gay rdâk njêng trong nchrăp, an ƀư nău kan let năp tay geh nău dơi nar lơn ma uĕh.