Kêng măng lơ 30/10, tâm bôk nău kan râng Pơh lễ Gưl prêh Rƀŭn Kan ndrel wăng sa châu Á-Thái Bình Dương (APEC) 2025 ta nkual ƀon têh Gyeongju, Hàn Quốc, Kruanh dak Lương Cường lĕ geh nău ntoh ngơi khlay ta Rƀŭn nchră gưl prêh Doanh Nghiệp APEC 2025. Đah bôk nău “Ntung nthoi-Doanh nghiệp-Hao ngai”, Rƀŭn nchră năm aơ geh rlău 20 rơh tâm nchră, rgum tâm ăp nău dôl dơi nsum mpôl doanh nghiệp dŭt uănh tât.

Ntoh ngơi ta Rƀŭn nchră, Kruanh dak lah rjăp, jêh bơi 40 năm ntơm lăp rgâl mhe, Việt Nam lĕ dơi geh nău khlay, geh nkô̆ nău têh, jêng nkô̆ nău nâl nâl an hun hao mhe bah neh dak gay ndrel lam ntŭr neh lăp rach năm mhe. Nĕ lah trong ƀư, nău kơl nar lơ jêh tĭng di lam ntŭr neh; du jâng wăng sa ngăch, rgum lăp jru hvi; du jâng chính trị-rêh jêng đăp mpăn; n’hanh trong kan ndrel lam ntŭr neh lam ăp dak. Ăp nău geh aơ dơi knơm tâm ăp nău kơl di, mpang ty, bôk rngok n’hanh nuih n’hâm pah kan mô ŏk r’ah bah lĕ rngôch kon nuĭh, nău kơl n’hanh kan ndrel dŭt khlay bah băl bên lam ntŭr neh.