Di rơh hăn khâl gưl Ngih dak Cộng hoà Ai Cập, Kruanh dak Lương Cường ndrel rmôt kan gưl prêh Việt Nam hŏ geh nar pah kan đah nŭih kan ntoh măt bah Việt Nam tâm Châu Phi. Ntoh nau tâm nar pah kan, Kruanh dak Lương Cường đă ăp ntoh măt ân uănh rjăp, nchrăp lơn tay tâm nau kan nsum mpôl ndrel kơl an nŭih ƀon lan, nsôih lôch n’hâm tâm nau kơl an ƀon lan nơm ta aơ, n’hao nau dăng dơi bah ƀon lan nơm tâm dak nê kŏ kơt lah tâm rgop rjăp ma n’gâng kan tâm ntŭk tâm nau kan mât ƀon lan, kơl an ntŭk kan tăch rgâl Việt Nam.

Kruanh dak lah rjăp, Đảng ndrel Ngih dak mro kơl an ndrel pơk trong nơih mpeh nau kan, nau kơl, tŏng dơi ăp nau geh kơl an nau kan kŏ kơt lah mât nau rêh dăp ndơ, nuih n’hâm bah ăp cán bộ, nŭih kan; đăp mpăn nau kơl an đah ăp nŭih kan bah ntŭk kan ntoh măt Việt Nam tâm dak ba dih, tŏng dơi ma nau geh, nau dăng ndrel nau dơi văng sa bah neh dak tâm rnôk mhe./.