Lơ 18/11, Kruanh dak Lương Cường hŏ tât râng Nar tâm rnglăp lam ƀon lan tâm Thôn Bảo An, xã Gò Nổi, nkuăl ƀon têh Đà Nẵng di rnôk 95 năm Nar vay ơm Mặt trận Tổ quốc Việt Nam (18/11/1930-18/11/2025), kŏ lah nar tâm rnglăp lam ƀon lan năm 2025. Ntoh nau tâm nar rgum, Kruanh dak Lương Cường nchŏng kloh ntơm bah n’hâm dăng nuih n’hâm tâm rnglăp, nsôih n’hâm, nsôih êng ma lam ƀon lan, lam tahen nơm đah nau rđau kan bah Đảng, hŏ rlet âk nau jêr, ntul rlong, lơh dơi ăp phung rlăng in pit, đăp mpăn neh dak.

Rgum nsĭt neh dak, ndrel geh dơi ăp nau dơi têh dăng, geh nau khlay tâm 40 năm rgâl mhe, gay neh dak nơm geh âk nau dăng, nau dơi ndrel nau rnơm lam ntur neh kơt nar aơ. Đah nau vay rjăp, tâm kơl, nuih n’hâm tâm rnglăp geh bun dăp, mât nâp, trêng tât âk rơh bah nŭih ƀon lan Bảo An ndrel 16 thôn bah xã Gò Nổi, ndrel đah nau nsôih bah gưl uỷ, n’gâng kan, mặt trận ăp gưl, kruanh dak rnơm ăp thôn bah xã Gò Nổi mra ƀư hun hao dăng, jêng nau ang tâm nau ndâk njêng ƀon lan mhe, ƀon lan ueh lăng, đăp mpăn, nâp nâl./.