Ôi 29/10, Kruanh dak Lương Cường ndrel Mpôl ntơh măt gưl têh Việt Nam hăn râng Pơh lễ gưl têh APEC 2025 n’hanh pah kan bar ding ta Hàn Quốc.

Kruanh dak Lương Cường râng tâm nchră gưl têh APEC nkre hăn khâl Hàn Quốc rơh dja geh nkô̆ hôr khlay, nkre mpơl nău n’grŏ tĭng đah dak tơm jay APEC nkre rgop rdâk nâp tâm boh têh jong lam lĕ rngôch Việt-Hàn.

Nkre lah rjăp tay nău rgop uĕh, nău dơn kan bah Việt Nam tâm trong nkra ăp nkô̆ nău tâm nkual n’hanh lam ntŭr neh, lơn lah ntrŭt ntrôl tâm nkrêp wăng sa dak bah dih, njêng suan ntrôl mhe hun hao bah nkual. Việt Nam mbra đăng cai ƀư Năm APEC 2027, nar ƀư dja dơi uănh lah rnôk gay Việt Nam ntrŭt ntrôl an ƀư trong uănh jong bah APEC tât năm 2040 ma Việt Nam hŏ ntơm dâk leo n’hanh râng rdâk njêng ndrel ăp dak lăp kan nsum ntơm bah năm 2017. Nkre lah rnôk gay dak he nkơnh n’hơ rup gui neh dak rgâl mhe, ngăch ngăr, hun hao dăng; ntơm bah nê ntrôl dăng tâm boh wăng sa n’hanh văn hóa, n’hao ring tam tâm nkual n’hanh lam ntŭr neh.