Ntoh ngơi ta rơh kahgĭt, Kruanh dak Lương Cường lah na nê̆, tâm lĕ njăr trong 80 năm rdâk njêng, hun hao n’hanh têh jêng, đah nău leo kan bâh Đảng, mpôl luật sư Việt Nam lĕ hăn ndrel đah mpôl rnoi n’hanh geh ăp nău tâm rgop têh ta rơh tâm lơh đah Pháp, Mỹ run in neh dak he, rklaih đăp mpăn mpôl rnoi, dơn ngoăy neh dak ntơm nơh, tâm ban kơt nău kan rdâk njêng n’hanh mât neh dak aƀaơ. Kruanh dak Lương Cường knơm, đah nău tâm rnglăp, mĭn kan n’hanh dơn kan têh, mpôl luật sư Việt Nam an geh n’hao tay nău way ueh ang ntoh lư 80 năm ba năp nơh, mô rlu nsrôih nti, tiăr nti, n’hao nău dơi ueh chính trị, nău mĭn nău kan, nău gĭt kan, nău dơi pah kan gay ma mpơl nău mĭn kan têh, mât nău tâm di, mât trong kan ueh, mât nău dơi kon nuĭh, nău dơi ngăn ngên ta trong rdâk njêng , hun hao neh dak ta rơh mhe.