Ntoh ngơi ta rơh lễ, Kruanh dak Lương Cường mbơh nti na nê̆ tĭng nău mĭn tahen Hồ Chí Minh, ăp nău ntrŭnh , trong kan, Nghị quyết bâh Đảng, ngăn lah trong kan tahen, mât rnjrăng ngih dak, nchră nău đah dak bah dih n’hanh trong kan mât ngih dak tâm rơh mhe, rdâk njêng mpôl kan tahen Quân khu cách mạng, chính quy, kan jăp, ueh mhe.

Kruanh dak knơm lĕ rngôch tahen, sĩ quan, cán bộ, nuĭh kan, tahen n’hanh nuĭh pah kan mpôl kan tahen Quân khu 3 mbra geh mât nâp n’hanh n’hao nău way ơm ntoh lư “tâm rnglăp, leo kan, kan lĕ nuih n’hâm, geh nău dơi”, n’hao nău nsrôih an ƀư lôch ueh ăp nău kan geh pă jao, ntop ndrel đah lam Đảng, lĕ ƀon lan, lĕ tahen mât nâp nâl ngih dak Việt Nam xã hội chủ nghĩa, ndŏ neh dak lăp ta rơh mhe- rơh năm hun hao têh dăng n’hanh sâm geh bâh mpôl rnoi Việt Nam.

Ta rơh kahgĭt, kruanh dak Lương Cường lĕ pă Huân chương mât neh dak hạng ngoăy an Quân khu 3, n’gâng kan mât rnă njrăng ngih dak.