Ôi ntri 22/9 (mông Việt Nam), Kruanh dak Lương Cường n’hanh I ur ndrel mpôl ntơh măt gưl têh Việt Nam hŏ tât New York (Hoa Kỳ), râng rơh tâm nchră nsum gưl têh Đại hội đồng Liên hợp quốc khóa 80. Aơ lah rơh hăn pah kan âk ding lor bôk năp bah Kruanh dak ta rơh rgum nchră lam ntŭr neh dŭt têh, nkre ntơm 2 năm njêng tâm boh têh jong lam lĕ rngôch Việt Nam – Hoa Kỳ.

Bơi 50 năm aơ, tâm boh Việt Nam – Liên hợp quốc hun hao tay uĕh, lăp tâng jru. Hăn pah kan bah Kruanh dak mpơl gung trong tâm boh êng nơm đah dak bah dih, ƀư tơm êng, âk ding, âk ntil n’hanh lăp rgum dak bah dih lam lĕ rngôch. Kruanh dak nchrăp râng lễ nkah ndray 80 năm njêng Liên hợp quốc, lah ta rơh Tâm nchră nsum n’hanh Nar tâm nchră têh lam ntŭr neh mpeh dâk kan rgâl trôk nar, nkre geh ăp rơh mâp bar ding đah kruanh rđău kan ăp mpôl kan dak bah dih n’hanh âk dak.