Kêng măng 1/10, Kruanh Quốc hội Lương Cường ndrel rmôt ntoh măt Quốc hội mrô 10, rmôt kan ntoh măt Quốc hội nkuăl ƀon têh Hồ Chí Minh hŏ râng rơh rƀŭn tâm mâp cử tri ta ntŭk kan chính trị xã Tân An Hội gay kơp dơn, djăt ăp nau mbơh đă tă bah cử tri bah năp rơh rƀŭn ta 10, Quốc hội gưl XV. Jêh rnôk djăt ăp nau rgop, đă bah cử tri, ntoh nau tâm nar rƀŭn, Kruanh dak Lương Cường mbơh, rơh rƀŭn tal 10, Quốc hội gưl XV tât aơ lah rơh rƀŭn lôch, geh nau khlay, nkre rgum ăp nau kan bah lôch gưl kan, nkre rƀŏng ân rơh hun hao mhe; tâm nê Quốc hội uănh, ntrŭnh âk nau kan khlay, tâm nê geh nklăp bơi tât 50 nau nchrăp luật, nau ntrŭnh âk nau kan, nau đă ndrel 13 rmôt nkô̆ nau têh mpeh văng sa, rêh jêng, ndrel âk nau kan khlay êng.

Lah rjăp ăp nau dơi bah neh dak, bah nkuăl ƀon têh kŏ geh nau nsôih khlay bah kônh wa ƀon lan, Kruanh dak ŭch kônh wa lŏ ƀư ueh nau ơm cách mạng nâp, tâm rnglăp, ndrel nuih n’hâm ma lam dak, nsum ty ndâk nkuăl ƀon têh Hồ Chí Minh ueh, mhe, tâm kơl an; ndâk neh dak nơm nar lơn sâm geh, nâp dăng, geh dơi nsum ma băl bên lam ntur neh kơt nau ma Wa Hồ ŭch rŏng mpŏng geh./.