Aơ lah rơh tât khâl dak bah dih bâh kruanh dak Lương Cường đah nău kan mhe, dŭt tâm di n’hanh dŭt khlăy ngăn mpeh đah 2 ding n’hanh âk ding. Rơh tât khâl mbra ntop tay nău kan ndâk nsơm tâm boh tâm rnglăp ueh way ơm, n’hao tay lơn nău tâm knơm chính trị, sŏk dŏng geh săk rnglăy ăp nău tâm kơl, ntrôl tâm boh kan bâh Việt Nam đah Chile n’hanh Peru tâm ban kơt Mỹ Latinh. Ndrel đah nĕ, nău kruanh dak tât râng pơh gâl têh APEC 2024 di ta rơh kahgĭt 35 năm nar njêng tâm mâp, mbơh tay na nê̆ nău tâm rgop ueh, dơn kan khlăy bâh Việt Nam ta trong tâm rgop wăng sa đah dak bah dih, njêng nău kan mhe an hun hao bâh ta nkual, ndâk nsơm tay nău kan bâh APEC lah nău tâm mâp wăng sa bôk năp, ntŭk geh rgum 3/5 n’gâng kan wăng sa têh ngăn ta lam ntur neh.