Lơ 11/11, Tổng thống Cộng hoà Chile ƀư tơm nar vơt Kruanh dak Lương Cường ndrel rmôt kan gưl prêh Việt Nam khâl ngăn dak Cộnh hoà Chile. Jêh rnôk vơt, Kruanh dak Lương Cường ndrel Tổng thống Gabriel Boric Font hŏ ntơm leo bôk rmôt kan gưl prêh bar dak ntơm tâm chră ăp nau kan gay rgop nau ƀư jru, săk tam lơn nau tâm boh kan nsum ăp ntil đah bar dak. Bar ding hŏ nchră nau ton lah nsum ƀư jru lơn tay nau tâm boh ăp ntil Việt Nam-Chile.

Bar ding hŏ kí ton du đê̆ nau tâm boh tâm nau kan tăch luh ndơ, tuch tăm, neh dak, tâm boh n’gor ndrel du đê̆ nau kan khlay êng gay pơk trong ueh ân hun hao rjăp lơn tay nau tâm boh ăp ntil đah bar dak; nkre tâm ban mpeh nau nau lŏ ntrŭt dăng tâm boh ndrel nchră rgâl nau tă blau tâm nau kan mra geh tâm kơl, kơt: mât ntŭk ntu gŭ âm, rdâng đah nau rgâl mhe trôk nar, hun hao ndrih, nâp nâl, ê nkra ndơ tuch tăm, sŏk joi ndơ ơm geh, rgâl blau nau mhe./.