Lơ 29/9, ta ntŭk kan Kruanh dak, Kruanh dak Lương Cường hŏ vơt Kruanh Đuma dak Nga Vyacheslav Volodin ndrel rmôt kan gưl prêh Đuma dak Nga dôl khâl ngăn Việt Nam ndrel râng rơh rƀŭn tal 4 bah Uỷ ban tâm boh kan nsum Nghị viện đah Quốc hội Việt Nam ndrel Đuma neh dak Quốc hội Nga. Kruanh dak Lương Cường lah rjăp Việt Nam mro uănh khlay, ŭch mô nsrŭng nau ƀư nâp, hun hao tâm boh kan nsum vay ơm ndrel ăp dak kan nsum ăp ntil ma Nga.

Tâm rnôk vơt, bar ding tâm ban nau lŏ n’hao tâm rnơm chinh trị, nrŭt dăng nau tâm boh bah ăp trong Đảng, Ngih dak, Quốc hội ndrel n’gor; ntrŭt dăng nau ƀư kan, nau kan tâm boh n’hêl tâm ăp nau kan, nkre n’hao tâm n’ur ƀon lan, văn hoá, thể thao ndrel pâl n’aih ndrel rnơm đah ăp nau nsôih bah bar ding, Việt Nam ndrel Nga mra joi ăp nau kan săk tam gay doh rklaih nau kol, rlet nau jêr, ntrŭt dăng tâm boh bar ding hun hao./.