Tâm nar vơt, Kruanh dak lah rjăp Việt Nam mro uănh khlay ndrel ŭch n’hao tâm boh ma Hungary, dak kơl an bôk năp, nkre lah dak kan nsum ăp ntil bôk năp bah Việt Nam ta Trung Đông Âu. Rnê prêh nau tă geh dơi bah nau tâm nchră đah Kruanh Quốc hội Việt Nam Trần Thanh Mẫn ndrel Kruanh Quốc hội Hungary, kruanh dak Lương Cường ŭch ntŭk kan ndâk njêng pháp luật bah bar dak lŏ ndrel tâm rgop gay njêng ntrong kan pháp lý, pơk trong nơih ân ăp nau nsôih ntrŭt dăng tâm boh kan nsum đah bar dak, tŏng dơi nau geh nsum bah bar dak, rgop tâm nau đăp mpăn, nâp nâl, tâm boh ndrel hun hao tâm nkuăl ndrel lam ntur neh.

Mpeh nau tâm boh âk ding, bar rđau kan lah rjăp Việt Nam ndrel Hungary mra lŏ tâm rgop rjăp ndrel tâm kơl nsum tâm ăp rnôk tâm nchră âk ding, ngăn lah tâm Liên hợp quốc, tâm rnôk ASEAN-EU; nkre lah rjăp nau kơl an nau kan rklaih ăp nau tâm pit đah nau đăp mpăn, tâm nau ryơk luật pháp lam ntur neh, gay mât đăp mpăn, rnă njrăng tâm ăp nkuăl./.