Lơ 21/9 ta Seattle, Kruanh dak Lương Cường wơt Mpôl nghị sỹ bang Oregon yor Hạ nghị sỹ Nguyễn Bá Lộc leo trong, nkhêp di râng Rơh tâm nchră nsum gưl prêh Đại hội đồng Liên Hợp Quốc khóa 80. Kruanh dak uănh lah Oregon lah ntŭk khoa học, công nghệ mhe, bán dẫn n’hanh ŭnh nar nkra njêng bôk năp bah Hoa Kỳ, lah nuĭh khlay bah Việt Nam kan ndrel n’hanh n’hao hao jêng nâp nâl.

Việt Nam nchră nta an doanh nghiệp, ntŭk ntĭm nti Oregon pơk hvi kan ndrel ntuh kơl, mĭn njêng ta Việt Nam; dăn đă kơl tay tâm boh ăp ding, ntrôl kan ndrel wăng sa-tăch rgâl, khoa học-công nghệ, công nghiệp bán dsẫn, ntĭm nti nuĭh kan uĕh blău. Kruanh dak mpŏng Hoa Kỳ ơm kơp dơn trong ntrŭnh wăng sa ntŭk tăch rgâl bah Việt Nam n’hanh ndơ̆ Việt Nam luh tâm săk n’hŭch tăch n’gluh công nghệ mhe.