Ôi 30/10 ta nkual ƀon têh Gyeonju, tâm trôm nău ƀư râng Pơh lễ gưl prêh Rƀŭn nchră kan ndrel wăng sa châu Á-Thái Bình Dương (APEC) rơh tal 32 n’hanh pah kan ăp ding ta Hàn Quốc, Kruanh dak Lương Cường lĕ wơt wa Lý Lợi, nuĭh ndâk njêng Tập đoàn MEBO International bah Trung Quốc.

Ta nar wơt, Kruanh dak Lương Cường mĭn lah Việt Nam nta nơih mro an ăp doanh nghiệp dak bah dih, tâm nĕ geh Tập đoàn MEBO, tĭng di tâm ăp nău ntrŭnh n’hanh pháp luật Việt Nam, đăp mpăn ntuh kơl tăch rgâl săk rnglăy, nâp nâl n’hanh jŏ jong ta Việt Nam. Tĭng nău tâm boh dăch dêh way ơm uĕh lăng đah Việt Nam n’hanh Trung Quốc, tâm nĕ geh ntil nău y, dak su , Kruanh dak mpŏng ăp nău ƀư ntuh kơl, kan ndrel đah Việt Nam bah Tập đoàn MEBO mbra rgop tâm nău nâp nâl lơn tâm boh ăp ding đah 2 dak oh nô.