Di nkah gĭt 95 năm Nar ndâk njêng Mặt trận Dân tộc thống nhất Việt Nam, nar nđaơ, (16/11), ta phường Ba Đình, Nkual ƀon têh Hà Nội, Kruanh Quốc hội Trần Thanh Mẫn râng, ndrel răm nar rgum tân rnglăp lam rnoi nuĭh đah ƀon lan rkum ƀon lan ngoăy, phường Ba Đình n’hanh nai kon hŏk ngih sam ƀŭt THPT Phan Đình Phùng.

Ta Nar rgum, Kruanh Quốc hội Trần Thanh Mẫn đă, nkual ƀon têh Hà Nội rgum ntĭm rđău mbơh ƀư Nghị quyết Đại hội Nkual ƀon têh mhe rlău; ntơm mkra lôch  4 nău lah bâp kol trong hăn; đăp mpăn, kloh uĕh, n’hôl ƀô tu tơm dak, n’hâm sial n’hanh dak bŭk ta nkual ƀon têh n’hanh mper nkual ƀon têh. Kranh Quốc hội lah Nkual ƀon têh Hà Nội ƀư săk rnglăy lơn tay nău rgŏ jă “Lam ƀon lan tâm rnglăp ndâk njêng thôn ƀôn mhe, nkual ƀon têh’”, tĭng rjăp đah ntrong leo “Lam ƀon lan mât njrăng rnă njrăng neh dak”... Nsrôih phường mô geh rmoh rmanh rêh jêng, mô dŏng, tăch rwăt hât điện tử, ma túy, nuĭh tih pháp luật.