Tâm rnôk hăn khâl ngăn Campuchia, ta Thủ đô Phnom Penh, Kruanh Quốc hội Trần Thanh Mẫn n’hanh Kruanh Quốc hội Campuchia Khuon Sudary hŏ ƀư tơm sa nkra n’hanh jao an Jay pah kan Quốc hội dak Campuchia.

Lah ta rnôk sa nkra, Kruanh Quốc hội Trầm Thanh Mẫn lah rjăp, Việt Nam n’hanh Campuchia lah bar dak tâm kâng n’har dêh bên, geh tâm  boh way ơm, krêp dêh jŏ jong, dơi ăp rơh kơn kruanh rđău kan, ƀon lan bar dak âk mbâl bun dăp n’hanh jŏ jêng drăp ndơ nsum dŭt khlay mô dơi ntĭt bah bar rnoi nuĭh. Đảng, Ngih dak, Quốc hội, ƀon lan Việt Nam ŭch rŏng Jay pah kan mhe bah Quốc hội Campuchia mbra jêng ndơ ntĭt bah nău tâm rnglăp nâp jong Việt Nam-Campuchia. Lah ta rơh sa nkra, Kruanh Quốc hội Campuchia Khuon Sudary mpơl nău nkah gĭt jru đah Đảng, Ngih dak, ƀon lan Việt Nam oh nô hŏ n’grŏ tĭng n’hanh ŭch kơl an rdâk ƀư Jay pah kan Quốc hội Campuchia; an saơ aơ lah ndơ ntĭt bah nău tâm rnglăp krêp mpêt, nâp jong bah bar dak Campuchia-Việt Nam.