Nar 4/3, Kruanh Quốc hội, Kruanh Hội đồng Bầu cử quốc gia Trần Thanh Mẫn mâp cử tri n’hanh nkre đah  pơk sŏng dăng ta du đêt xã ta Nkual ƀon têh Hồ Chí Minh. Cử tri rnê âk bôk nău kan bah ăp nuĭh dâk tâm rlong đại biểu Quốc hội khóa XVI, nău mpŏng ăp đại biểu mbra ntơh măt an nău mĭn, nău ŭch rŏng mpŏng geh bah ƀon lan n’hanh tĭng ƀư tât dŭt nău ton lôch dơi sơch.

Kruanh Quốc hội Trần Thanh Mẫn lah rjăp, đại biểu ân geh nău groi nđôi bah cử tri n’hanh ƀon lan ma nău dơi ngăn ngăn; nău dơi kan bah Quốc hội luh tă bah ƀon lan n’hanh ân rhŏ dŏng ƀon lan. păng ton lah dơi nsing nơm mbra tĭng ƀư ăp tŏng bôk nău kan hŏ ndơ̆ luh, way mbơh, rblang gĭt bah năp cử tri, ndơ̆ nău geh bah ƀon lan dâk bôk năp, uănh nău nsing nơm bah cử tri lah nău dơn kan ân nsrôih ƀư wat jêh uĕh .