Ôi 22/9, Đảng bộ n’gor Khánh Hòa ntơm pơk Đại hội Đại biểu lor bôk năp, năm kan 2025-2030, đah nău tât râng bah Kruanh Quốc hội Trần Thanh Mẫn ndrel kruanh ăp n’gâng kan n’hanh 396 nuĭh ntơh măt. Lah ta rnôk rđău đă tâm nchră, Kruanh Quốc hội mpư rnê nău dơi bah n’gor Khánh Hòa tâm 5 năm aơ n’hanh lah rjăp Đại hội lah nar kan chính trị khlay, pơk luh rơh hun hao mhe.

 Kruanh Quốc hội Trần Thanh Mẫn nkah 6 nău dơn kan têh tâm, tâm nê ndơ̆ luh rgum tơm rdâk njêng Đảng, lam trong kan chính trị kloh uĕh, nâp dăng n’hanh pah kan cán bộ “n’gâng tơm bah n’gâng tơm”. Khánh Hòa ân ntik n’hao dơh geh kơh dak lêng jong bơi 500 km, âk kuel n’hanh gôl dak, lơn lah ndru gôl dak Trường Sa, gay hun hao wăng sa dak lêng, công nghiệp ŭnh nar, nkret njêng, công nghệ mhe, logistics n’hanh pâl nđaih têh lam ntŭr neh, năl di ntŭk gŭ têh khlay mhe tâm njăr trong rgâl mhe n’hanh lăp rgum.