Di rơh pah kan ta nkual ƀon têh Hồ Chí Minh, măng 3/3, Kruanh Quốc hội Trần Thanh Mẫn râng Hội trại Tòng Quân năm 2026 bah xă Đông Thạnh. Aơ lah nău ƀư geh nkô̆ ngăn ngên gay tâm rnglăp, ntĭm nti, ntop kơl an rơh druh ndăm, nkre geh nău nsing nơm, nuih n’hâm an druh ndăm lor rnôk hăn trong ƀư tahen. Rơh aơ, xă Đông Thạnh geh 120 druh ndăm dơi săch ƀư tahen.

Lơn lah, xă geh 2 đảng viên mom n’hanh du hê bu ur lĕ dăn nchih samƀŭt hăn lăp tahen. Ndơn măt Hội đồng Nghĩa vụ Tahen xă, Kruanh UBND xă Đông Thạnh Nguyễn Mậu Phương Quỳnh mbah rhơn ăp druh ndăm ntoh lư bah xă Đông Thạnh hăn trong đah nău nsing nơm, nuih n’hanh mpŏng ŭch; mât uĕh nău way ơm ƀon tơm, nchih tay ăp plơk mhe bah rơh u che; lôch jêh uĕh nău kan bah nuĭh tahen cách mạng.