Ta ntŭk nklăch phiếu bâh phường Hải An, nkuăl ƀon têh Hải Phòng, kruanh Quốc hội Trần Thanh Mẫn nkah mbơh, ăp ntŭk săch kruanh an geh gĭt na nê̆ nău ntrŭnh kan, gay ma ƀư an di, an ueh, mô an geh nău tih, ngăn lah mô geh bân thơ, mô njrăng tâm ăp nău kan tâm nău ntrŭnh, nkre lah nta nău dơh nơih ueh an ăp cử tri hăn nklăch phiếu ơm, hăn sŏng dăng. Kruanh Quốc hội Trần Thanh Mẫn an lah, aơ lah rơh săch kruanh bôk năp geh ƀư ăp ntŭk  nău rgâl mhe rnoh mbrô bâh trung ương tât ntŭk kan ba dâng tâm nău nchih săk cử tri n’hanh hồ sơ ứng cử. Yor nĕ hôm nha geh âk nău jêr jŏt ngăn, yor nĕ ăp ntŭk kan têh an geh n’hao nău dơi kan tâm rgop ƀư an ueh. Kruanh Quốc hội nkah mbơh, nkuăl ƀon têh Hải Phòng an geh leo kan lor doh rklaih ăp nău tâm lah tâm phong ngăch ndăn, di nău ntrŭnh, di nău dơi, di nar kan, uănh năl rơh kan ta năp rơh săch kruanh di nău nchrăp bâh lơ 2/3/2026 tât 14/3/2026, nău mbơh tơih an geh ƀư tŏng ăp tât lĕ ƀon lan.