Ôi 27/10, ta Jay Quốc hội, Kruanh Quốc hội Trần Thanh Mẫn wơt Kruanh Hạ việp Quốc hội Uzbekistan Nuriddin Ismoilov nkhêp geh leo mpôl ntơh măt Hạ viện Quốc hội Uzbekistan râng Lễ pơk ký Công ước Liên hợp quốc mpeh njrăng n’gang nuĭh tih mạng ƀư ta Việt Nam.

Kruanh Quốc hội Trần Thanh Mẫn rhơn mâp tay Kruanh Hạ viện Uzbekistan Nuriddin Ismoilov ta Hà Nội; an gĭt nha hôm nkah nău uĕh lăng mpeh hăn khâl ngăn Uzbekistan n’hanh râng Đại hội đồng tâl 150 Liên minh Nghị viện lam ntŭr neh (IPU-150) tâm khay 4 mhe aơ, lơn lah rơh tâm nchră ngăn ngăn, geh nău tam đah kruanh.

Kruanh Quốc hội rhơn rnê n’hanh uănh khlay nău wa Nuriddin Ismoilov leo mpôl ntơh măt Hạ viện Uzbekistan râng Lễ pơk ký Công ước Liên Hợp Quốc mpeh njrăng n’gang nuĭh tih mạng ƀư ta Việt Nam, mpơl nău ton dăng bah Uzbekistan ndrel băl mpôl dak bah dih rlăch ndăng đah ntil nău tih mhe n’hanh klach rvê dja.