Nkah ndray 80 năm cách mạng Khay pham geh nău dơi n’hanh Quốc khánh dak Cộng hòa xã hội Chủ nghĩa Việt Nam, ôi 19/8 ta Hà Nội ƀư lễ ndơ̆ jao jay Bắc Bộ Phủ mpeh Trong nchrăp nkra têh uĕh tay mon mhe Nhih pah kan Kruanh dak.

Jay Bắc Bộ Phủ ta mbrô 2 Lê Thạch, Hoàn Kiếm, Hà Nội lah ntŭk têl ơm yău mha êng bah Hà Nội, bah neh dak, ntŭk Kruanh Hồ Chí Minh hŏ pah kan ăp nar bôk năp bah dak Việt Nam Dân chủ Cộng hoà. Jay dơi mât nday lĕ rnoh khlay ơm, mât kơt ơm rup uĕh săk tơm bôk ăp, n’hanh kơi năp têh uĕh ndơ dŏng bah dih tâm trôm, tŏng nău ŭch geh uĕh mhe, di đah ntŭk têh khlay gưl neh dak. Bắc Bộ Phủ mbra nkoch tay ăp nău nkoch kăl e an rơh kơn bah kơi tay, nkre rgop nău khlay lah ndơ ntĭt an muh măt neh dak tâm pah kan tâm boh dak bah dih gưl têh, ntơh măt an rup gui bah neh dak, kon nuĭh Việt Nam tâm măt băl mpôl dak bah dih./.