Nuĭh leo kan n’gor Đăk Lăk lĕ kơp dơn ăp nău tâm rgop bâh rlău 11.500 cán bộ, nuĭh kan n’gâng kan dak si lam n’gor, tâm nĕ geh 240 cán bộ, nuĭh pah kan bâh ngih dak si, đah nău kan mât chăm săk soan n’hanh mât ueh săk soan an ƀon lan. Kruanh UBND n’gor rhơn nai dak si nuĭh kan ta ngih dak si an geh n’hao tay nău kan ueh, n’hao nău dơi uănh săm ji, tâm di đah nău ŭch uănh săm ji bâh ƀon lan nkuăl ƀon têh Buôn Ma Thuột n’hanh nkual ƀon lan dăch meng. Bâh ntơm geh 100 nsưng bĭch an nuĭh ji , tât aƀaơ ngih dak si lĕ n’hao geh 280 nsưng an nuĭh ji, bâh ntŭk kan ndơ dŏng lĕ geh n’hao mhe, ntop n’huch bêng ta ngih dak si ba lơ. Ta năp nău ŭch lơ ma khlăy lơ ma hao bâh nău kan n’hanh ndơ dŏng dak si, nuĭh leo kan n’gor ŭch ntŭk kan an geh rgâl mhe mbro, n’hao nău dơi kơl mât săk soan an ƀon lan.