Hội đồng Bầu cử gưl neh dak tâm ban ŭch an n’gor Lâm Đồng ƀư nklăch phiếu bầu cử ơm rlău 1 nar rđĭl đah nar bầu cử nsum bah lam dak ta 5 nkual gay đăp mpăn nău dơi bầu cử bah cử tri n’hanh tâm di đah ngăn ngăn ta ntŭk. Lĕ 5 nkual dja mpeh n’har bri da dê, nkual jru, nkual ngai bah n’gor Lâm Đồng.

Na nê̆ lah: Nkual nklăch phiếu mbrô 37, xã Đắk Wil (Pôih n’har bri Nậm Na n’hanh Pôih n’har bri Đắk Ken); Nkual nklăch phiếu mbrô 20, xã Thuận An (Pôih n’har bri Đắk Đam); Nkual nklăch phiếu mbrô 21, xã Thuận An (Pôih n’har bri Đắk M’Bai); Nkual nklăch phiếu mbrô 19, xã Thuận Hạnh (Tiểu đoàn Huấn luyện – Cơ động 1); Nkual nklăch phiếu mbrô 18, xã Hàm Tân (Tiểu đoàn Huấn luyện – Cơ động 2). Nău ƀư nklăch phiếu bầu cử ơm rlău 1 nar rđĭl đah nar bầu cử nsum bah lam dak đăp mpăn nău dơi n’hanh nău way ƀư nuĭh ƀon lan bah cán bộ, tahen pôih n’har bri dôl pah kan ta nkual n’har bri, nkual jru, nkual ngai bah Lâm Đồng./.