UBND n’gor Lâm Đồng mhe ƀư Rƀŭn nchră n’glôch jêh trong kan nuĭh đă kan, ntop cán bộ, công chức, viên chức gưl n’gor sĭt ntop kơl gưl xă tâm lvang bôk năp pơk dŏng ntrong ƀư n’gâng kan ƀon lan 2 gưl. Jêh 3 khay nuĭh đă kan ntop an gưl xă, săk rnglăy tâm 730 cán bộ, công chức, tahen jŭr bah dâng, rlău 98% lôch uĕh nău kan let lơ, tâm nĕ rlău 25% lôch uĕh ngăn nău kan.

Rơh ntop cán bộ n’hao an bah dâng bâh n’gor Lâm Đồng lĕ jêng săk rnglăy ndrel, nkre n’hŭch jâk an bah dâng, nkre kơl rmôt cán bộ gưl n’gor tiăr nti, têh jêng bah nău ngăn, rgop ndâk njêng rmôt cán bộ lĕ rngôch, êp ƀon lan, êp nău kan. Ntoh ngơi ta rƀŭn nchră, wa Hồ Văn Mười, Kruanh UBND n’gor Lâm Đồng, mĭn lah: 730 cán bộ ntop lĕ rgop đăp mpăn n’hanh n’hao tam, săk rnglăy bah n’gâng kan bah dâng tâm lvang rgâl ƀư tĭng ntrong ƀư n’gâng kan ƀon lan 2 gưl.