Bah năp nău tât krit djơh bah trôk nar, ăp n’gor Tây Nguyên ndăn rdâng lơh đah geh ma nău tât trôk nar lơh. Mpeh nô nău pĭch rlâm neh hô ta ăp sop D’ran n’hanh Gia Bắc, UBND n’gor Lâm Đồng hŏ n’glêh an mbơh nău tât jăch ndăn mpeh trôk nar lơh đah trong Quốc lộ 20 n’hanh 28. N’gâng kan ta ntŭk an ƀư ăp kôp âk trong rdâng lơh, nchih mpăng ntŭk klach rvê, mpăng nuĭh mô geh nău kan lăp tâm nkual pĭch  rlâm, leo ntrơn du nuĭh ƀon lan tât ntŭk đăp mpăn. Mpôl kan dơi kan rgum gŭ kâp ndăng măng nar gay tĭng groi nđôi, nchroh mbơh; năl nkô̆ n’hanh dăn đă trong nkra jŏ jong. Ăp rơh mih têh mhe aơ ƀư brŏng dak sor bah dâng bah lơ bar ding sop D’ran n’hanh Gia Bắc geh rhung rlâm, lơh kol khan trong. UBND n’gor đă ăp nhih pah kan  geh tât ndăn ngăch nkra bah đăp mpăn an nuĭh n’hanh ndeh rklư, der bah nău rhung rlâm tâm let năp tay.

Bah năp nau tât jêr bah phŭt Kalmaegi, nchrăp hăn lăp tâm Biển Đông lơ 5/11, UBND n’gor Gia Lai hŏ ntrŭnh nau đă ndal, đă ntrŭnh ƀư ăp nau kan rdâng tâm rnoh prêh lơn du gưl. Ăp n’gâng kan, ntŭk kan, nkuăl geh rđau đă ƀư nau kan njrăng, rdâng phŭt, mih dak lip, rluh neh tă bah ơm; nsôih ntrơn leo ƀon lan tâm nkuăl rđŭng, meng dak me, jâng yôk khuch, jêh bah năp lơ 4/11. UBND n’gor đă ƀư ân rjăp nau kan “4 ta ntŭk”, ƀư nâp mô ân geh nau khuch tât kon nŭih. N’gâng kan rđau tahen n’gor nchrăp rmôt nŭih, ndơ dŏng, ngăn lah ndơ dŏng trong dak ndrel ndeh mpar mô kâp nŭih ƀĭt gay ma uănh, tât kơl an. N’gâng kan tuch tăm ndrel ntŭk ntu, N’gâng kan Công thương tâm rgop gay ma n’hoch lơi nglau hoch dak thuỷ điện ân tâm di, đăp mpăn ân tâm dâng rđŭng./.