Ôi (8/10), ta Đà Lạt, Ban Tổ chức Đại hội đại biểu Đảng bộ n’gor Lâm Đồng lor bôk năp, năm kan 2025 – 2030, ƀư ntơm pơk Ntŭk rgum kan Báo chí rhŏ dŏng an pah kan nkoch trêng nău lư mpeh Đại hội. Tĭng Mpôl tơm ƀư, Ntŭk rgum kan Báo chí mbra lah ntung njŏ rêng lam rup gui du Lâm Đồng rgâl mhe, ngăch ngăr, blău njêng mhe, lăp rgum n’hanh hun hao, rgop rdâk nâp tay nău lư bah ƀon lan, njêng nuih n’hâm tâm rlong rƀŏng tât nău dơi bah Đại hội.

Aƀaơ hŏ geh 79 nhih pah kan báo chí tâm n’hanh bah dih n’gor đăng ký pah kan, nău lư mpeh Đại hội. Gay nta trong dơh hăn pah kan, Ntŭk rgum kan Báo chí dơi tâm pă ƀư bah meng Hội trường Học viện Lục quân, mpeh phường Lâm Viên - Đà Lạt, đah ăp tŏng ndơ dŏng, buăt nthoi mạng, siƀŭt rgum geh nău lư n’hanh ăp rup gui bah đại hội. Ntơm bah nê rgop nkoch trêng nău lư mpeh Đại hội mbra rêng lam dăng lơn, jru lơn tâm lam mpôl.