Aƀaơ ăp nuĭh kan ta mạng, nuĭh ƀư nkô̆ nău, mât uanh ăp rmôt kan ta mạng xã hội ta n’gor Lâm Đồng, dôl nsrôih pah kan âk ta âk trong kan kơt pâl nđaih, ndơ sông sa, văn hóa, tăch rgâl ăp ntil ndơ tuch tăm...đah lĕ rnoh nuĭh uănh nđôi tât bar pe jât rkeh nuĭh. Aơ lah nău kan dŭt khlăy geh nău trĕ lam, leo kan mbơh nău ta  mạng xã hội, njêng nău tât sŏng dăng tât nău mât đăp mpăn rnă njrăng ta mạng xã hội ta ntŭk. Rơh rƀŭn nchră geh âk mông nar mbơh tơih mpeh pháp luật mpeh rnă njrăng mạng, mât đăp mpăn rnoh mbrô êng nơm, nkre lah tâm rgop ueh, n’hao nău kan bâh nuĭh kan ta mạng xã hội n’hanh nuĭh kan mât uănh trĕ lam tâm nău mbơh nău mhe, nuĭh tâm kơl kan. Kơl an ăp nuĭh kan mât uănh gĭt nău mhe mpeh pháp luật an geh njêng, mât đăp mpăn nău rdâk njêng nkô̆ nău, mât uănh trang, kênh, rmôt kan an tâm di nău ntrŭnh bâh pháp luật. Di rơh aơ, Công an n’gor Lâm Đồng geh mbơh nău kan “ntŭk kan rnoh mbrô Lâm Đồng đăp mpăn, ueh lăng”, lah rơh tâm mâp rnoh mbrô tâm rgop ntŭk kan nuĭh kan ta mạng, mât uănh đah mpôl kan công an, ăp ntŭk kan mât uănh ngih dak n’hanh doanh nghiệp, mpong tât nău hun hao bâh n’gor Lâm Đồng ta rơh rnoh mbrô.