N’gor Lâm Đồng dôl ntrŭt dăng ngăch nau ndâk Rgum nsum đô thị 5 Phường Đà Lạt tâm êp, gay ndâk rgum tâm ban ngăn ân đô thị Đà Lạt jêh lôch dăp rgum rmôt kan hành chính, nkre ma rklaih ăp nau kŏ kol ntoch jong đah nau rgum ndrel nau ngăn geh dŏng neh. Tâm nar pah kan đah 5 phường, geh: Xuân Hương-Đà Lạt, rđau kan UBND n’gor Lâm Đồng đă nau kan dăp rgum ân geh nau rƀŏng uănh jŏ jong, ndŏ nau geh dơi jêng bah ƀon lan ƀư n’gâng tơm, rklaih ăp nau tât mô geh tâm di tâm nau rgum nkuăl ƀon têh Đà Lạt bah năm 2025. Bah nau kan mêt uănh, 5 Phường tâm êp Đà Lạt geh nau đă rgâl njêng âk nkô̆ nau khlay.

 Rƀŏng trong pơk hvi ntŭk ntu ƀư kan đô thị mpeh ba lơ ndrel mpeh ba dâng ngăn, mĭn njêng ntŭk ntu ƀư ueh lơn tay tâm ntŭk n’gâng tơm, tâm nklang Hoà Bình gay ntop tay ntŭk gay ma ân ndrâm ndeh ndrel ntŭk ntu ƀư kan tăch rgâl, rƀŏng tât nau hun hao đô thị sinh thái, tâm rgop nsum ma nau kan nâp nâl prêh, tuch tăm nau kan prêh mhe ndrel mât njrăng bri...nchrăp nau kan rgum nsum đô thị 5 phường Đà Lạt mra geh ndŏ mbơh tât n’gâng kan ndâk nkra gay ma uănh tâm khay 8 tât./.