Di nkah 136 năm nar deh Kruanh Hồ Chí Minh ŭch rŏng, kêng măng 19/5, ta Đà Lạt, N’gâng kan ntĭm nti n’gor Lâm Đồng ƀư nau rnê nkhôm ăp nŭih geh nau gĭt blau tâm nau kan ntĭm nti ndrel ƀư tĭng nau mĭn, nau rêh, nau kan Hồ Chí Minh; rnê nkhôm kon se geh nau nkhôm neh dak, giải Nhất gưl n’gor năm nti 2025-2026. Nkah ngăn nau ntĭm bah Wa Hồ ŭch rŏng, n’gâng kan ntĭm nti n’gor Lâm Đồng mô rlu tâm nau kan rgâl mhe, nsôih rlet nau jêr, n’hao nau nâp nau kan ntĭm nti ăp ntil; uănh khlay tât nau rênh, nau mĭn kan, ndâk tay nuih n’hâm kan, nau mpŏng kơl an ndrel nau nsôih hao tâm rmôt cán bộ mât nau kan, nai ntĭm ndrel kon se nti.

Tâm nar lễ geh 15 rmôt ndrel 69 nŭih geh ntoh lư blau dơi tâm nau kan ntĭm nti ndrel ƀư tĭng nau mĭn, nau rêh, nau kan Hồ Chí Minh geh rnê nkhôm; 104 kon se nti geh ăp nau nkhôm tâm Rơh tâm rlong săch kon se nti blau gưl neh dak năm 2025-2026 ndrel 134 kon se geh giải Nhất rơh tâm rlong kon se nti blau gưl n’gor geh ndơn Bằng khen bah N’gâng kan ntĭm nti, Bằng khen bah UBND n’gor Lâm Đồng ndrel ăp săm ƀŭt rnê nkhôm bah N’gâng kan ntĭm nti n’gor./.