Nău dơn kan dăp rgum nsum xã Đức Trọng dơi tâm pă ƀư jêng 2 rơh tât năm 2030 n’hanh jong tât năm 2050. Nău ŭch jŏ jong ntuh kơl rdâk njêng xã Đức Trọng jêng đô thị găr ntil mpông rlong dak bah dih; buăt nthoi ăp kôp ntung trong ntêng lêng nkual đah trong cao tốc n’hanh nthoi đah tach ndeh păr hăn dak bah dih Liên Khương; rdâk njêng hun hao Ntŭk rgum nhih pah kan - chính trị n’gor Lâm Đồng njêng suan ntrôl mhe an nău hun hao nsum bah đô thị Đức Trọng n’hanh nkual kiău ma…

UBND n’gor Lâm Đồng jao ăp n’gâng kan gưl n’gor, đơn vị geh tât n’hanh UBND xã Đức Trọng kan nsum gay rhŏ dŏng pah kan njêng, uănh năl di tay n’hanh uănh an dŏng đồ án dăp rgum; đăp mpăn hồ sơ dăp rgum dơi njêng ăp kôp, dơn ngoăy, geh nău dơi n’hanh tâm di đah trong rƀŏng hun hao bah n’gor. Nchrăp ƀư lôch jêh dăp rgum tâm quý II/2026, dŏng tơm prăk ngân sách n’gor.