Măng ntri (20/10), ta Nhih pah kan Chính phủ, Thủ tướng Chính phủ Phạm Minh Chính – Kruanh Hội đồng Tâm rlong – Nkhôm rnê Trung ương ƀư tơm rơh hop tâl 14 bah Hội đồng. 

Thủ tướng Phạm Minh Chính lah kloh, năm kan 2020-2025 lah năm kan dŭt jêr jŏt ta ăp ntil trong kan, yơn lah, ta nâm nău rđău đă bah Đảng, way ƀư mbro lah Bộ Chính trị, Ban Bí thư, mât bôk lah Tổng Bí thư, lam trong kan chính trị hŏ lăp kan, geh âk nău dơi ta ăp trong kan. 5 năm aơ, âk trong leo ƀư tâm rlong dơi rgŏ jă, an ƀư nsĭt geh nău dơi, geh nău khlay rêng lam âk, kơt trong  leo tâm rlong mha êng “lam dak tâm rnglăp, nsum suan, du nuih n’hâm tâm rlong njrăng, n’gang n’hanh lơh dơi nuh srê Covid-19"; Trong leo jut jăng jay truh sat, nkưp nde lôch jêh lor 5 năm 4 khay; trong leo tâm rlong rdâk njêng trong rse 500 kV mbah 3 Quảng Trạch - Phố Nối, trong rse 500 kV Lào Cai - Vĩnh Yên...

Thủ tướng lah rjăp ân pơk hvi ăp nuĭh ntoh lư, trong ntĭt leo uĕh, trong ƀư di gay njêng suan rêh, rêng  lam nuih n’hâm nsan hao, njêng trong leo ƀư; lơn lah ân nchrăp ƀư uĕh Đại hội Tâm rlong rŏng dak lam dak tâl XI tâm khay 12 tât nău dơi hun hao wăng sa- rêh jêng kon nuĭh 5 năm aơ bah neh dak.