Ta nkuăl ƀon têh Huế, n’gor Thừa Thiên Huế mhe ƀư nau mbơh nau ntrŭnh bah Quốc hội mpeh nau ndâk Huế tâm Trung ương, ndrel mbơh nau ntrŭnh bah Uỷ ban Rnâng kan Quốc hội mpeh nau dăp rgum hành chính gưl nkual, gưl xã bah nkuăl ƀon têh Huế lvang năm 2023-2025. Ntoh nau tâm nar rƀŭn, Kruanh Quốc hội Trần Thanh Mẫn lah rjăp, nau kan Quốc hội gưl 15 ntrŭnh nau  rmô 38 mpeh nau rlong du đê̆ nau kan, nau dơi hun hao n’gor Thừa Thiên Huế, tâm nê ntrŭnh nau n’hêl du đê̆ nau kan, nau ntrŭnh mpeh nau mât tơm prăk.

Ngân sách ngih dak, nau pâl n’aih ndrel prăk mât nâp nau ơm bah Huế, ƀư ntŭk gay hun hao đăp mpăn, tâm ban, tâm di, nkre mât, ƀư ueh nau khlay, nkre ndâk nau nsôih ntrŭt dăng hun hao văng sa, rêh jêng, đăp mpăn neh dak, rnă njrăng, ndâk ntrong kan chính trị nâp nâl. Kruanh Quốc hội Trần Thanh Mẫn đă, gưl uỷ, n’gâng kan nkuăl ƀon têh Huế geh nau nchrăp n’hêl, kloh, gay rklaih nau jêr, ntul rlong rnôk jêng nkuăl ƀon têh tâm Trung ương./.