Kêng măng 13/10, Đại hội Đảng bộ Chính phủ tal Bôk năp rƀŭn lôch. Đại hội nchră nau ntrŭnh đah 100% ntoh măt tâm ban nuih n’hâm. Nau ntrŭnh Đại hội ntoh nau ŭch bah Đảng bộ Chính phủ tâm năm kan mhe, đah nau nsôih “Ndâk njêng Đảng bộ nâp kloh, tâm rnglăp, leo trong hăn lor tâm khoa học, công nghệ, rgâl blau mhe, ntrơn rgâl mrô hun hao âk, hun hao neh dak ngăch ndrel nâp nâl tâm rach năm hao săk sâm geh, nâp nâl, ueh mhe, đăp mpăn”. Rgum rđau, đă ƀư nsôih, âm ban, săk tam ăp nkô̆ nau, nau kan nchră luh ndrel rmôt ntrong kan mpeh nau ndâk njêng Đảng; 8 rmôt mpeh hun hao văng sa, rêh jêng; 2 rmôt kan mpeh rnă njrăng, tâm nchră ma ba dih; 6 nau kan tơm mpeh rgâl mhe ntrong kan.

Ƀư nâp nkô̆ nau đăp mpăn văng sa tơm, nkân nau hao khlay, đăp mpăn tâm ban têh bah jâng văng sa, ntrŭt dăng hun hao GDP tâm ban geh 10%/năm hao gŏ lơ. Lŏ ƀư jêh ntrong kan, pháp luật; hun hao ntŭk ntu gung trong, ueh mhe ndrel nŭih ƀư kan nâp blau. Ntrŭt dăng rjăp nau kan rgâl mhe, ƀư nâp nau kan văng sa, uănh năl nau kan hun hao mhe, hun hao khoa học công nghệ, rgâl blau mhe ndrel ntrơn rgâl mrô. Uănh khlay nau kan văn hoá, rêh jêng, mât ntŭk ntu, n’hao nau rêh ƀon lan. Lŏ ƀư nâp, n’hao nâp neh dak, rnă njrăng, mât đăp mpăn nau rêh jêng; n’hao săk tam tâm nchră ba dih, tâm rnglăp lam ntur neh; mât ntŭk ntu ueh lăng, nâp nâl ân hun hao neh dak dak ngăch ndrel nâp nâl./.