Ôi 15/10, Kruanh dak Lương Cường pah kan đah  ăp nhih pah kan geh tât mpeh nchrăp an Lễ pơk ký Công ước bah Liên hợp quốc mpeh njrăng n’gang nuĭh tih mạng. Lễ pơk ký Công ước Hà Nội ƀư tâm bar nar 25 n’hanh 26/10. Siƀŭt mbơh bah Ban rđău đă an gĭt, tât aƀaơ geh 93 mpôl gưl têh, bộ trưởng ăp dak ndrel rlău 1.000 nuĭh ntơh măt, phóng viên dak bah dih mbơh râng.

Bộ Công an n’hanh Bộ Ngoại giao hŏ kan nsum lhăt đah nhih pah kan Liên hợp quốc mpeh ma túy n’hanh nuĭh tih gay rdâk njêng bôk nău kan n’hanh 8 nău kan bah meng gưl têh, 38 tâm nchră way kan, rlău 20 ndrơng ndơ pla n’hơ. N’glôch jêh rơh pah kan, Kruanh dak lah rjăp nău khlay lịch sử bah nar ƀư rnôk Việt Nam lor bôk năp đăng cai lễ pơk ký du công ước bah Liên hợp quốc, năl di ntŭk gŭ kan têh khlay bah Việt Nam tâm boh dak bah dih mpeh njrăng, n’gang nuĭh tih mạng.