Măng naơ ndrel ôi 29/9, phŭt mrô 10 Bualoi đah n’hâm dăng ndrel mih têh jŏ ô̆ tât tâm âk n’gor miền Trung, lơh khuch tât drăp ndơ ndrel kon nŭih. Ntơm bah ôi ơm, tâm n’gor Quảng Trị kơp dơn geh 12 nŭih roh. Rnôk tât tâm Nghệ An-Hà Tĩnh, phŭt n’huch nau dăng, lơh mih sial jŏ jong; hŏ geh 13 nŭih khĭt ndrel roh, 2 nŭih rmanh. Bah năp nê, kêng măng 28/9, ta Thanh Hoá, Groi Thủ tướng Trần Hồng Hà ƀư tơm nar rƀŭn mbơh nau kan sŏng ndrel trực tuyến đah ăp n’gor ntơm Thanh Hoá tât Đà Nẵng gay ntrŭnh ƀư nau kan njrăng, rdâng phŭt mrô 10.

Groi Thủ tướng đă ăp n’gor rgum rmôt nŭih ƀư jêh nau kan đăp mpăn na ƀon lan, ngăn lah nau nkah nkuăl ntŭk tât bah phŭt. Ăp nkuăl gôl yôk ân geh nchrăp ntrơn leo ƀon lan, nchrăp ndơ dŏng ndrel rmôt kan tĭng  nau kan “4 ta ntŭk” gay rdâng ân năn, n’huch nau khuch tât kon nŭih ndrel drăp ndơ./.