Ăp nar rlu lễ Quốc khánh 2/9, ta ntŭk rdâk nkra tay, nkra uĕh quốc lộ 28B-trong n’gâng tơm nthoi ăp nkual wăng sa khlay bah n’gor Lâm Đồng mông nar pah kan dŭt ndăn. Nău nchrăp ƀư nkra quốc lộ 28B bah n’gor Lâm Đồng geh jong rlău 68km, ăp nuĭh ndranh lĕ ndâk ƀư geh bơi 40km jâng neh, ƀư n’gâng me cấp phối luh buh bơi 58km, tuh bê tông chai rlău 31km.

Nău nchrăp ƀư nkra tay, nkra uĕh quốc lộ 28B geh dĭng lĕ prăk rlău 1.400 rmen prăk yor Cục Đường bộ Việt Nam ƀư tơm ntuh kơl. 6 ntung gleh bah nău nchrăp ƀư geh rnoh jêr ndâk ƀư têh ngăn, yor neh ntu jêr n’hanh trôk nar yan mih. Quốc lộ 28B lah ngoăy tâm âk trong me têh nthoi nkual dak lêng n’hanh dâng rđŭng yôk prêh bah n’gor Lâm Đồng. Aƀaơ nuĭh tơm ntuh kơl nău nchrăp ƀư lah Cục Đường bộ Việt Nam n’hanh UBND n’gor Lâm Đồng dôl dŭt n’hâm tâm rgop ntrŭt ngăch ndâk ƀư ban jêh nkra rgâl tay, nkra uĕh trong tâm khay 12 năm aơ.