Aƀaơ, ta ăp nkual dak bŭk Nam Trung Bộ, pah kan ntop kơl nuĭh ƀon lan dôl dơi ƀư dŭt ndăn ngăch. Âk mpôl hăn kơl êng hŏ geh trong ƀư tâm di, n’gâng kan ta ntŭk ntik n’hao nău khlay kan tâm pă nău kan, đăp mpăn ntop kơl năn ngăch, di nuĭh. Ta Khánh Hòa, âk ntŭk mpeh yôk yang hôm geh khan yơt êng. N’gâng kan ăp xã hŏ rgum mpôl kan ntop kơl mpôl hăn kơl êng nuĭh tâm rnôk hăn, lơn lah hăn rlău ăp ntŭk pĭch rlâm, ntung ler klach rvê.

Rnôk ndeh rdeng ndơ kơl hăn tât xã, mpôl dân quân, đoàn viên n’hanh nuĭh ƀon lan ndrel anh lăp tâm thôn geh khan yơt êng. N’gor Khánh Hòa hŏ mbơh 48 bôk tơm dơn ndơ tâm pă ntop kơl ta gưl xã. Ăp mpôl hăn kơl êng dơi nkah đă ôp lor gay gĭt nău lư, kan nsum tâm pă tơm ndơ rgop êng. Ăp nhih pah kan dơi kan nkah njrăng nuĭh ƀon lan n’hanh ăp mpôl hăn kơl êng njrăng njrăng bah năp ăp nău kuăl jă mô kloh rvah, der bah mpôl tih djơh nde tâm nuih n’hâm uĕh lŏng joi sa.