Ôi (25/11), UBND n’gor Lâm Đồng ƀư rơh hop ăp n’gâng kan, uănh năl lĕ rngôch khuch khat n’hanh rnoh ngăch nkra ăp njăr trong geh khuch rlâm lôch dak bŭk mhe aơ.  Mih têh lơh khuch rlâm 5 njăr trong quốc lộ, sop Prenn, 3 njăr trong tỉnh lộ n’hanh âk njăr trong ta n’gor Lâm Đồng, đah prăk dŏng nkra tay nchroh nklăp 361 rmen prăk. Ta sop Mimosa, Mpôl mât uănh trong nchrăp 85 dôl manh pơk trong, nchrăp lôch jêh nar 29/11/2025; trong nchrăp ƀư ntung kơh hvi 9m hŏ dơi uănh an dŏng mbra ntơm ƀư bah nar 10/12, nchrăp ƀư jŏ tâm 3 tât 4 khay.

Ta sop D’ran, ntŭk pĭch rlâm dôl dơi rgum neh, jik kuaih trong, nsrôih ƀư wat jêh bah năp nar 10/12 tât; sop Gia Bắc hŏ mbluh tay trong. Ta rơh hop, wa Nguyễn Hồng Hải, Groi kruanh UBND n’gor Lâm Đồng nkah lah pah kan mât bôk kan, nkra ăp njăr trong me tâm bah ri aơ, lơn lah njăr trong sop Prenn – mpông rlong lăp tâm Đà Lạt. Păng đă Sở Xây dựng n’hanh Mpôl mât nkra trong n’gor dơn mât tay, nkra lĕ khuch khat gay bah năp Tết âm lịch, đăp mpăn hăn ntung trong kêng dŭt năm.